Рыгор Іосіфавіч Лашкевіч (10.10.1904, д. Востраў Кармянскага р-на Гомельскай вобл. - 16.01.1992), раслінавод, аграбіёлаг. Член-карэспандэнт Нацыянальнай акадэміі навук Беларусі (1961), член-карэспандэнт Акадэміі сельскагаспадарчых навук БССР (1959-1961), доктар сельскагаспадарчых навук (1958), прафесар (1960). Удзельнік Вялікай Айчыннай вайны.
Скончыў Беларускую сельскагаспадарчую акадэмію (1927). З 1930 г. у НДІ балотнай гаспадаркі ВАСГНІЛ і Кіраўскай луга-балотнай станцыі. У 1945-1971 гг. загадчык аддзела, з 1971 прафесар-кансультант Беларускага НДІ меліярацыі і воднай гаспадаркі.
Навуковыя даследаванні прысвечаны пытанням асваення тарфяна-балотных глебаў, аграбіялогіі, фізіялогіі раслін, аграхіміі. Распрацаваў эфектыўныя прыёмы па прыстасаванні і выкарыстанні пашаў, апрацоўцы асноўных сельскагаспадарчых структур, прымяненню сістэмы мікраўгнаенняў пад культурныя расліны на тарфяных глебах. Распрацаваў мерапрыемствы па паляпшэнні ўрадлівасці тарфяных глебаў і паляпшэнню якасці прадукцыі культурных раслін на меліяраваных глебах.
Аўтар каля 200 навуковых прац, у тым ліку 5 манаграфій.
Узнагароджаны медалямі.
Асноўныя працы:
1. Применение микроудобрений на торфяных почвах. Мн.: Госиздат БССР, 1955.
2. Плодородие торфяных почв и возделывание конопли. Мн.: Сельхозгиз БССР, 1962.
3. Сахарная свекла на торфяных почвах. Мн.: Урожай, 1965.
Літаратура:
1. Весцi АН БССР. Серыя сельскагаспадарчых навук. 1984. №3.
2. Библиография научных трудов члена-корреспондента АН БССР Г.И.Лашкевича. Мн.: Наука и техника, 1965.
3. Григорий Иосифович Лашкевич (к 105-летию со дня рождения) // Весці НАН Беларусі. Сер. агр. навук. 2009, №4.
/ Члены Акадэміі / Гістарычная даведка / Да пачатку старонкі
