З мэтай стымулявання і заахвочвання арганізацый Нацыянальнай акадэміі навук Беларусі за высокія паказчыкі ў навуковай, навукова-тэхнічнай і інавацыйнай дзейнасці пастановай Бюро Прэзідыума Нацыянальнай акадэміі навук Беларусі ад 17 снежня 2010 г. №596 заснавана Дошка гонару Нацыянальнай акадэміі навук Беларусі.
Палажэннем аб Дошцы гонару Нацыянальнай акадэміі навук Беларусі ўстаноўлена, што на яе могуць быць занесены арганізацыі, што дасягнулі найбольш высокіх паказчыкаў у навуковай, навукова-тэхнічнай і інавацыйнай, вытворчай, сацыяльнай дзейнасці па выніках работы за справаздачны год. Абавязковымі ўмовамі занясення на Дошку гонару арганізацый з'яўляюцца забеспячэнне высокіх паказчыкаў працоўнай і выканальніцкай дысцыпліны, аховы працы і тэхнікі бяспекі, у тым ліку адсутнасць няшчасных выпадкаў на вытворчасці, што пацягнулі смерць або прывялі да страты працаздольнасці і прафзахворванняў работнікаў.
