Bel   ·  Eng  ·  Rus  |    Толькі тэкст  |   НАНБ в Facebook НАНБ в Vkontakte НАНБ в Twitter НАНБ в Instagram НАНБ в Youtube НАНБ в LinkedIn НАНБ в SlideShare rss-лента новостей Написать письмо 
   
Афiцыйны iнтэрнет-партал Прэзiдэнта Рэспублiкi Беларусь
Афiцыйны iнтэрнет-сайт Савета Міністраў Рэспублікі Беларусь
Акадэмія кіравання пры Прэзідэнце Рэспублікі Беларусь
Інтэрнет-партал Моладзь Беларусі
Газета Навука
Часопіс Навука і інавацыі

Нацыянальная акадэмія навук Беларусі

Запрашаем у Нацыянальную акадэмію навук Беларусі

Нацыянальная акадэмія навук Беларусі (НАН Беларусі, ці Акадэмія навук) з’яўляецца вышэйшай дзяржаўнай навуковай арганізацыяй Рэспублікі Беларусь. Акадэмія навук падпарадкоўваецца Прэзідэнту Рэспублікі Беларусь, падсправаздачная Савету Міністраў Рэспублікі Беларусь і ажыццяўляе арганізацыю і каардынацыю фундаментальных і прыкладных навуковых даследаванняў, што выконваюцца ўсімі суб’ектамі навуковай дзейнасці, правядзенне фундаментальных і прыкладных навуковых даследаванняў і распрацовак па важнейшых напрамках прыродазнаўчых, тэхнічных, гуманітарных, сацыяльных навук і мастацтваў у мэтах атрымання новых ведаў пра чалавека, грамадства, прыроду і штучна створаныя аб’екты, для павелічэння навукова-тэхнічнага, інтэлектуальнага і духоўнага патэнцыялу Рэспублікі Беларусь. Нацыянальная акадэмія навук Беларусі ажыццяўляе арганізацыйна-тэхнічнае забеспячэнне правядзення дзяржаўнай навуковай экспертызы, праводзіць адзіную дзяржаўную палітыку, каардынацыю і дзяржаўнае рэгуляванне дзейнасці арганізацый у галіне даследавання і выкарыстання касмічнай прасторы ў мірных мэтах, выступае ў якасці галаўной арганізацыі Беларусі па навукова-метадычным забеспячэнні развіцця інфарматызацыі, а таксама выконвае ў межах паўнамоцтваў, устаноўленых Законам Рэспублікі Беларусь “Аб Нацыянальнай акадэміі навук Беларусі” і Статутам Нацыянальнай акадэміі навук Беларусі, асобныя функцыі рэспубліканскага органа дзяржаўнага кіравання ў сферы навукі.

Будынак Прэзідыума Нацыянальнай акадэміі навук Беларусі ў Мінску

Будынак Прэзідыума Нацыянальнай акадэміі навук Беларусі ў Мінску

Заснаваная ў кастрычніку 1928 года як Беларуская акадэмія навук і ўрачыста адкрытая 1 студзеня 1929 года, Нацыянальная акадэмія навук Беларусі з’яўляецца вядучым даследчым цэнтрам Беларусі, які аб’ядноўвае высокакваліфікаваных вучоных розных спецыяльнасцей і дзясяткі навукова-даследчых, навукова-вытворчых, канструктарскіх і ўкараняльных арганізацый. У Акадэміі навук працуе каля 16,0 тыс. даследчыкаў, тэхнікаў, дапаможнага і абслугоўваючага персаналу, сярэдні ўзрост якіх складае менш за 47 гадоў. Сярод іх каля 5350 даследчыкаў, 399 дактароў навук і 1619 кандыдатаў навук, з іх 220 прафесараў і 491 дацэнт.